منتدى القديس موريس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تضربنى لية؟؟ رووووووووووعه

2 مشترك

اذهب الى الأسفل

تضربنى لية؟؟ رووووووووووعه Empty تضربنى لية؟؟ رووووووووووعه

مُساهمة  اغابي الأحد أكتوبر 16, 2011 5:23 pm

مساء الخير

قصيدة عجبتنى قولت لازم تشوفوها



متجمعين بالحب دايما من زمان , بقلب واحد والمكان هو المكان .

مصر الوطن والارض وحبها العنوان .

لحد قام على حد , ولا حد يوم اتخان .



تضربنى ليه ؟! ممكن تقولى عملت ايه !

انا لولا انى بحبك وبجد حاسّك منى , ما كنتش يوم هعاتبك علشان بتبعد عنى .

أصل السلام والحب فى كل كتب الله , من اول البشرية موجودة فى التوراة .

وفى الانجيل نلاقاها نور وحياة .

ودعوة فى القرأن أحبوا عباد الله .



تضربنى ليه ؟! ممكن تقولى عملت ايه !

افتح كلام الله هتلاقى كله سلام , يهودية أو مسيحية وختامها فى الاسلام .

عايزنى ليه لما اتظلم فى سكوتى أبكى ؟! من حقى انى اعترض من حقى انى أشكى .

طيب ليه ما بلقاش ضحكتك فى وقت ضحكى ؟

طيب ما تيجى نتعاتب , وتحكى بحب وأحكى .



تضربنى ليه ؟! ممكن تقولى عملت ايه !

كان عشمى فيك تخاف عليا وأخاف عليك .

وان يوم غرقت ما تشدنيش الا أديك .

على ارض مصر وقفنا ايد واحدة للتغيير .

هلال وجنبه صليب مرسوم بحب كبير .

أه لو نكمل كدة بالحب والتنوير .

أه لو نكمل كدة يرجع لمصر الخير .



تضربنى ليه ؟! ممكن تقولى عملت لك ايه !

أنا كنت ماسك ايديك بنقول هلال وصليب .

ولا هو كلام بنقوله ولا الفعل عنه غريب .

طيب ليه تهد كنيسة , حد يقولى هى كنيسة ولا جامع تفرق ايه ؟!

ده دور عبادة بنتعبد لله فيه , ومهما كان ده مكان اسم الله عليه .



تضربنى ليه ؟! ممكن تقولى عملت ايه !

انا كنت جوة كنيستى دايما أصلى ليك , لا أحب يوم تاذينى ولا أحب انى أاذيك .

صدقنى انا مستغرب تضربنى ليه يوم عيدى , بدل ما تهنينى تبقى سبب تنهيدى !

راجع كلام الله بيقول تحب عبيدى , بقى يعنى تضرب فيه بدل ما تمسك ايدى !



تضربنى ليه ؟! ممكن تقولى عملت ايه !

انا عمرى يوم ما كرهتك ولا عمرى يوم قمت عليك .

وبرضه لسة بحبك طيب قولى ايه يرضيك !

عايزنى اعمل ايه علشان تحس حنانى !

ده انا مهما حصلى برجع وبحبك تانى .

تخاصمنى بدل الحب وتهون عليك أحزانى .

لما ابقى ليك المرسى , تبقى أنت ليه سجانى !



تضربنى ليه ؟! ممكن تقولى عملت ايه !

أنا كنت أنت , ليه اتقاسمنا ما كان الحب بينا .

فين المودة وفين عشمنا ومين فرق ما بينا .

عاوزين يعود الحب زى زمان ما كان .

نفتح له تانى قلوبنا , يلقاله فيها مكان .

يرجع لمصر زمانها وعزة الاوطان وحبها لاديانها والسعى بالايمان .



تضربنى ليه ؟! ممكن تقولى عملت ايه !

أنا نفسى نرجع تانى نعيش بروح الدين نصلى لبعض ونقول بحب أمين .

فاكرين يا ناس الثورة والصرخة فى الميدان .

أهدافنا كانت واحدة بتدوس على الاحزان .

أصواتنا كانت واحدة بتدوى فى كل مكان .

كان الكل ايد واحدة كان الكل انسان .



تضربنى ليه ؟! ممكن تقولى عملت ايه !

بنصلى لاله واحد نعبده كلنا , وعلى ارض مصر فى الحرب سال دمنا .

بالحب مادد ايدى بالحب جاى انادى , دى كانت بينا محبة بقينا ليه بنعادى .

هو اللى يجرح روحه يبقى ده انسان عادى .

تعالى نبدأ تانى من اول اللحظة دى .



تضربنى ليه ؟! ممكن تقولى عملت ايه !

انا نفسى تانى يا اخويا الاقيك بجد حاببنى .

ده وطنا الواحد ضامك وضاممنى .

ده انا يوم غياب الامن كان عشمى تبقى امانى .

ويوم ما يقسى الوطن الاقى فيك اوطانى .

الحب عمق ايمانك وهو عمق ايمانى .

جوة القلوب نزرعه يطرح فرح وامانى .



تضربنى ليه ؟! ممكن تقولى عملت ايه !

انا علمونى أحبك وشوفتهم حبوك .

طيب ياأخويا اسمعنى وأرجع لحضن أخوك .



القصيدة تأليف : مينا فوزى

اغابي
عضو نشيط
عضو نشيط

عدد المساهمات : 52
تاريخ التسجيل : 14/09/2011
العمر : 26
المزاج : حب ربنا

الرجوع الى أعلى الصفحة اذهب الى الأسفل

تضربنى لية؟؟ رووووووووووعه Empty رد: تضربنى لية؟؟ رووووووووووعه

مُساهمة  daughter of the king الجمعة أكتوبر 28, 2011 9:03 am

بجد الشعر ده تحفة ربنا يباركك
daughter of the king
daughter of the king
عضو مشارك
عضو مشارك

عدد المساهمات : 43
تاريخ التسجيل : 01/10/2011

الرجوع الى أعلى الصفحة اذهب الى الأسفل

تضربنى لية؟؟ رووووووووووعه Empty رد: تضربنى لية؟؟ رووووووووووعه

مُساهمة  اغابي الأربعاء نوفمبر 23, 2011 9:25 pm

بجد ميرسي اوى على مرورك الجميل ربنا يباركك

اغابي
عضو نشيط
عضو نشيط

عدد المساهمات : 52
تاريخ التسجيل : 14/09/2011
العمر : 26
المزاج : حب ربنا

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى